ხელვაჩაური მერიაში სტუდენტთა წახალისების პროგრამის ფარგლებში განცხადებების მიღება დაიწყო.
დაფინანსებას მიიღებენ ის სტუდენტები, რომლებიც რეგისტრირებულნი არიან ხელვაჩაურის მუნიციპალიტეტში;
სწავლობენ საქართველოში აკრედიტებული უმაღლესი საგანმანათლებლო დაწესებულების პირველ საფეხურზე;
აქვთ სემესტრული აკადემიური ( საშუალო შეწონილი) მოსწრება A (91 ქულა ან მეტი).
სტუდენტთა მხარდაჭერის პროგრამისთვის საჭიროა შემდეგი დოკუმენტების წარმოდგენა:
განცხადება (შეგიძლიათ წარადგინოთ ხელვაჩაურის მუნიციპალიტეტის მერიაში ან ელექტრონულად – khelvachauri.mun@gmail.com);
ფაკულტეტის მიერ გაცემული ცნობა აკადემიური მოსწრების შესახებ;
საბანკო რეკვიზიტები;
პირადობის დამადასტურებელი დოკუმენტის ასლი.
განაცხადების მიღების ბოლო ვადაა 2025 წლის 29 აგვისტო.
დამატებითი კითხვების შემთხვევაში დარეკეთ: 599 35 91 91