IMG.GE IMG.GE

პარტია „აყვავებული სომხეთის“ ლიდერი გაგიკ ცარუკიანი სომხეთის ეროვნული უსაფრთხოების სამსახურის შენობაში დაკითხვაზე იმყოფება, – ამის შესახებ ინფორმაციას NEWS.am -ი ავრცელებს.

მათივე ინფორმაციით, ცარუკიანი დაკითხვაზე პარლამენტიდან მივიდა, სადაც დეპუტატები მისთვის იმუნიტეტის მოხსნის საკითხზე მსჯელობენ.

დღეს პარლამენტის შენობის წინ ცარუკიანის მხარდამჭერებმა საპროტესტო აქცია გამართეს, საიდანაც სამართალდამცავებმა 100-ზე მეტი ადამიანი ტერიტორიიდან გაიყვანეს.

ცნობისათვის, სომხეთის გენერალურმა პროკურორმა არტურ დავთიანმა პარლამენტს გაგიკ ცარუკიანისთვის დეპუტატის იმუნიტეტის მოხსნის თხოვნით მიმართა.

კომენტარის დატოვება
IMG.GE
გაზიარება