თავდაცვისა და უშიშროების საპარლამენტო კომიტეტის თავმჯდომარის პირველი მოადგილე თენგიზ შარმანაშვილი ეხმიანება „დიპ სტეიტის“ ბრძოლის ერთ-ერთ მეთოდს, გებელსისეულ პროპაგანდას, რომელსაც ფაშისტური გერმანია იყენებდა. აღნიშნული მეთოდი კი აშკარა და უცვლელია საქართველოს მაგალითზეც, რამდენადაც 2012 წლიდან დღემდე აგენტურული ოპოზიცია ქართულ ხელისუფლებას რუსულ იარლიყს აწებებს, რათა ამით ხელისუფლების განადგურება შეძლონ.
თენგიზ შარმანაშვილის განცხადებით, ცნობილი მეთოდოლოგიაა, რომ რომელიმე სუბიექტის გასაშავებლად აიჩემო რაღაც ფრაზა და შემდეგ მიწებებული იარლიყით დაიწყო მისი განადგურება. „ცნობილი მეთოდოლოგიაა, როდესაც პროპაგანდისტულად იყენებენ იმას, რომ ჯერ რომელიმე სუბიექტი უნდა გააშავო, ამისთვის უნდა აიჩემო რაღაც ფრაზა. ეს იარლიყი მიაწებო და შემდეგ დაიწყო მისი განადგურება. ხანდახან ეს ხდება პოლიტიკურად, ხანდახან ფიზიკურადაც კი. იგივე ხდება ჩვენთანაც, საქართველოში. არანაირი საფუძველი, არანაირი მტკიცებულება, ან დამდასტურებელი იმისა, პირდაპირ იწყებენ, რუსული, რუსული. რატომ არ თქვეს, რომ რუსული კვალია , როდესაც „გამჭვირვალობის“ კანონი მიიღეს საფრანგეთში? – ჩვენი კანონი ხომ ათჯერ უფრო მარტივი და ლოიალური იყო ყველაფრისადმი“,-განაცხადა შარმანაშვილმა.