ევროკავშირის მიერ საქართველოსთვის გაცემული რეკომენდაციების შინაარსი აბათილებს მათივე ნათქვამს -თითქოს საქართველოს ევროპულ სტრუქტურებში ინტეგრაციის პროცესი არ უკავშირდება არატრადიციული ცხოვრების წესის პროპაგანდის ხელშეწყობას,- ამის შესახებ “ხალხის ძალის” წევრი, თამთა მეგრელიშვილი წერს სოციალურ ქსელში. მეგრელიშვილის თქმით, ევროპამ ოჯახში ქართული ღირებულებებით უნდა მიგვიღოს, ხოლო ოჯახური ტრადიციების მხარდაჭერა და მოზარდების ლგბტ პროპაგანდისაგან დაცვა არის ქართველების ის ზნეობრივი კოდი და ღირებულება, რომელიც ევროპისაკენ სწრაფვის სურვილზე არ გავა.
“ევროკავშირის მიერ საქართველოსთვის გაცემული რეკომენდაციების შინაარსი აბათილებს მათივე ნათქვამს -თითქოს საქართველოს ევროპულ სტრუქტურებში ინტეგრაციის პროცესი არ უკავშირდება არატრადიციული ცხოვრების წესის პროპაგანდის ხელშეწყობას. ევროკავშირი ითხოვს ოჯახის სიწმინდის დაცვისა და არასრულწლოვანთა მიმართ ე. წ. ლგბტ პროპაგანდის შეზღუდვის კანონმდებლობის გაუქმებას და ამ მოთხოვნით ეწინააღმდეგება ზემოაღნიშნულს და ასევე არაფრად აგდებს ქართველი ხალხისათვის მათ მიერ მიცემულ პირობას, რომ საქართველოს ევროსტრუქტურებში გაწევრიანების გზაზე არ მოხდება რაიმე ვალდებულების დაკისრება, რაც შეეწინააღმდეგება ქართულ ტრადიციებს.
კანონები ოჯახური ფასეულობების თაობაზე და არატრადიციული ცხოვრების წესის პროპაგანდისაგან ახალგაზრდების დაცვის შესახებ, მორწმუნე საზოგადოებამ სრულად გაიზიარა და ერისა და ბერის სრული ერთობით იქნა მიღებული როგორც მორალური აქტი. ოჯახური ტრადიციების მხარდაჭერა და მოზარდების ლგბტ პროპაგანდისაგან დაცვა არის ქართველების ის ზნეობრივი კოდი და ღირებულება რომელიც არ გავა ევროპისაკენ სწრაფვის სურვილზე ჩვენთვის მთავარის დათმობის ხარჯზე. ევროპამ ევროპულ ოჯახში ჩვენი ღირებულებებით უნდა მიგვიღოს, წინააღმდეგ შემთხვევაში ერის საერთო ერთობით ფსონი დაიდება არა ევროპაზე არამედ ყველა იმ კულტურულ ღირებულებაზე რომლითაც აქამდე ქართველებად და მართლმადიდებლებად მოვედით და ჩვენთან ამ ღირებულებების დასათმობად პაექრობა საბოლოო ჯამში მათი დამარცხების დიდ უხერხულობას შექმნის”,- წერს მეგრელიშვილი Facebook-ზე.