ფრაქცია „ქართული ოცნების“ თავმჯდომარის მოადგილე ლევან მაჭავარიანი ევროკავშირის საგარეო საქმეთა მინისტრების შეხვედრაზე გაკეთებულ განცხადებებს გამოეხმაურა და აღნიშნა, რომ ევრობიუროკრატების მხრიდან შანტაჟი გრძელდება.
„საქართველომ უარი თქვა, რომ გამოყენებული ყოფილიყო ჩვენი სახელმწიფო სატელიტ ქვეყნად „პროქსი ომში“, აქედან გამომდინარე შეიცვალა ევრობიუროკრატების განწყობები და ამის შემდეგ მუდმივ რეჟიმში ცდილობენ, დაგვსაჯონ, დაგვაშანტაჟონ. დეზინფორმაციისა და უსაფუძვლო ბრალდებები ნიაღვარი მოდის ჩვენ მიმართულებით და ეს შანტაჟი გრძელდება“, – აღნიშნავს მაჭავარიანი.