ხელვაჩაურის მუნიციპალიტეტის მერმა, ზაზა დიასამიძემ ორთაბათუმისა და ფერიის ადმინისტრაციულ ერთეულებში მიმდინარე ინფრასტრუქტურული სამუშაოები ადგილზე დაათვალიერა და სამუშაო პროცესს გაეცნო.
სოფელ კაპრეშუმში საცალფეხო ხიდის მშენებლობა დასრულების ეტაპზეა, ხოლო ფერდსამაგრი კედლის მოწყობის სამუშაოები აქტიურად ხორციელდება, რაც ადგილობრივი მოსახლეობის უსაფრთხოებისა და ინფრასტრუქტურის გაუმჯობესების კუთხით მნიშვნელოვანია.
მიმდინარე სამუშაოები მუნიციპალიტეტის მერთან ერთად დაათვალიერეს, საკრებულოს თავმჯდომარე, თენგიზ ირემაძემ, აჭარის უმაღლესი საბჭოს წევრმა, მინდია დიასამიძემ, საკრებულოსა და მერიის შესაბამისი სამსახურების წარმომადგენლებმა.
მუნიციპალიტეტი მომავალშიც განაგრძობს ისეთი ინფრასტრუქტურული პროექტების განხორციელებას, რომლებიც ადგილობრივი მოსახლეობის საცხოვრებელი პირობების გაუმჯობესებასა და სოფლების განვითარებას შეუწყობს ხელს.
