ჩვენ ვხედავთ, რომ უკვე დაწყებულია თავდასხმა ადგილობრივი თვითმმართველობის არჩევნებზე. ვხედავთ, რომ არის მათი ჩაშლის მცდელობა, – განაცხადა შალვა პაპუაშვილმა ჟურნალისტებთან საუბრისას. პარლამენტის თავმჯდომარემ აღნიშნა, რომ ორგანიზაციებს, რომლებსაც ეს საკუთარ მიზნად აქვს გამოცხადებული, ევროკავშირი აფინანსებს.
„რაც შეეხება არჩევნებს, ვხედავთ, მათი ჩაშლის მცდელობებს. ბრიტანეთის საელჩოს მხრიდან იყო მცდელობა, დაეფინანსებინა ორგანიზაციები, რომლებსაც პირდაპირ გაცხადებული მიზანი აქვთ, რომ ჩაეშალათ არჩევნები. ასევე, არის ორგანიზაციები, რომელთა განცხადებებს ვხედავდით საბოტაჟთან დაკავშირებით. ვგულისხმობ „საერთაშორისო გამჭვირვალობას“, ნინო ლომჯარის „ენჯეოს“, „საფარს“, ბაია პატარაიას „ენჯეოს“. ისინი პირდაპირ, საჯაროდ აცხადებენ, რომ ბოიკოტი და საბოტაჟი უნდა იყოს არჩევნების. შეგახსენებთ, ეს ორგანიზაციები ევროკავშირის საელჩოსგან ფინანსდებიან. ასე რომ, ევროკავშირის საელჩო დღესაც აფინანსებს ორგანიზაციებს, რომელთა გაცხადებული მიზანიც ადგილობრივი თვითმმართველობის არჩევნების ჩაშლაა. ეს სკანდალი იქნებოდა, ქართული საზოგადოება ამას შეჩვეული რომ არ იყოს“, – აცხადებს პაპუაშვილი.