20 ივნისის აქციის წინ 7 მედიასაშუალების წარმომადგენლებმა პირდაპირი ეთერი გამართეს, სადაც მაყურებელს კიდევ ერთხელ მოუწოდეს/აუხსნეს, თუ რატომ უნდა მივიდნენ დაგეგმილ აქციაზე, რომლის მთავარი სლოგანია “შინ ევროპაში”.
მედიაეთერში არ მიიწვიეს ჟურნალისტი ელისო კილაძე და არც მისი მედიასაშუალების რომელიმე წარმომადგენელი, რასაც ის სოციალურ ქსელში გამოეხმაურა:
“შეკითხვა მაქვს დღევანდელი მედიაეთერის ორგანიზატორებთან-მედიაჰოლდინგი ქრონიკა და CNews Exclusive • სინიუს ექსკლუზიური რატომ არ მიიწვიეთ?
კეზერაშვილის კაპრიზია?!
დამოუკიდებლები არ ვართ,კრიტიკულები თუ რომელიმეზე ნაკლები ომი გამოვიარეთ ქოცებთან?! ასე კუტოკებად აპირებთ ოლიგარქიის დამარცხებას?”- დაწერა ელისო კილაძემ და შემდეგ უკვე კომენტარებში განავრცო:
“უთავმოყვარო ვერ ვიქნები და არც ვაპირებ,თუ ვინმე იბრძოდა ეს ცხრა წელი ჩვენ ვიყავით,მისხალი არ დაგვითმია ქოცებისთვის და არც ტრ@@@ ის თამაში დაგვიწყია სხვებისგან განსხვავებით. იგნორის პატიებას არ ვაპირებ, დამოუკიდებლად ვიბრძოდი და ასე გაგრძელდება,კეზერაშვილზე კი აქციის მერე მოვყვები”- წერს კილაძე.
აღსანიშნავია, რომ რამდენიმე თვეა, რაც ელისო კილაძე “ფორმულასა” და “მთავარი არხი”-ს ეთერში დაბლოკილია, რასაც ის უკავშირებს ე.წ ქოლ-ცენტრების სკანდალს და დავით კეზერაშვილის მხილებას მისი მხრიდან.