ხელვაჩაურის მუნიციპალიტეტის მერი ზაზა დიასამიძე ხელვაჩაურის ხელოვნებისა და კულტურის ცენტრთან არსებულ ქორეოგრაფიული და ფოლკლორული ანსამბლების წევრებს შეხვდა.
შეხვედრის მიზანი არსებული მდგომარეობისა და გამოწვევების მიმოხილვა, ტურისტულ სეზონთან დაკავშირებული ღონისძიებებისა და მოახლოებული სახალხო დღესასწაულების ორგანიზება, სამომავლო გეგმების დასახვა, საკონცერტო პროგრამების გაღრმავება და კულტურის პოპულარიზაცია იყო.
მუნიციპალიტეტის მერთან ერთად შეხვედრას ესწრებოდნენ მერის მოადგილეები, მერიის შესაბამისი სამსახურების ხელმძღვანელები, ხელოვნებისა და კულტურის ცენტრის დირექტორი.
მერმა მადლობა გადაუხადა ანსამბლების წევრებს გაწეული შრომისა და კულტურის შენარჩუნებისთვის და აღნიშნა, რომ მუნიციპალიტეტი მომავალშიც აქტიურად იმუშავებს კულტურის განვითარების მიმართულებით.