ხელვაჩაურის მუნიციპალიტეტის მერი, ზაზა დიასამიძე, ვეტერანების საქმეთა სახელმწიფო სამსახურის დირექტორს, გენერალ-მაიორ, კობა კობალაძეს შეხვდა.
შეხვედრა გაცნობითი ხასიათის იყო, სადაც ქვეყნის მასშტაბით, განხორციელებულ პროგრამებზე ისაუბრეს, რომლებიც სამსახურისა და სახელმწიფო ინსტიტუციების ერთობლივი ძალისხმევით, ასევე, კერძო სექტორის ჩართულობით ვეტერანებისა და მათი ოჯახის წევრების წინაშე არსებული გამოწვევების დასაძლევად ხორციელდება.
შეხვედრაზე საუბარი შეეხო ვეტერანების სოციალური და ეკონომიკური მდგომარეობის გასაუმჯობესებლად ერთობლივი პროგრამების შემუშავებას. გამოითქვა ურთიერთთანამშრომლობისთვის მზაობა.
შეხვედრას ასევე, ესწრებოდნენ, ხელვაჩაურის მუნიციპალიტეტის საკრებულოს თავმჯდომარე, თენგიზ ირემაძე, ვეტერანების საქმეთა სახელმწიფო სამსახურის დირექტორის მრჩეველი, ვლადიმერ იმნაძე და რეგიონული მართვის დეპარტამენტის აჭარის ა/რ სამმართველოს უფროსი, შოთა ყიფიანი