პოლიციამ აქტივისტი ნინო დათაშვილი დააკავა, რომელმაც თბილისის საქალაქო სასამართლოს მანდატურს ხელი გაარტყა. დანაშაული 4-დან 7 წლამდე ვადით თავისუფლების აღკვეთას ითვალისწინებს.
9 ივნისს, თბილისის საქალაქო სასამართლოში, ნინო დათაშვილი არ დაემორჩილა მანდატურის თანამშრომლებს და ერთ-ერთ მათგანს ფიზიკური შეურაცხყოფა მიაყენა.
გამოძიება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით მიმდინარეობს.