აშშ-ის პრეზიდენტმა დონალდ ტრამპმა სამშაბათს განაცხადა, რომ ის ირანისგან „უპირობო დანებებას“ ითხოვს და რომ ვაშინგტონი „ჯერჯერობით“ მხოლოდ ისლამური რესპუბლიკის უზენაესი ლიდერის, ალი ხამენეის მკვლელობისგან თავს იკავებს.
ტრამპის კომენტარები, რომლებიც სოციალური მედიის საშუალებით გაკეთდა, ირანის მიმართ უფრო აგრესიულ პოზიციაზე მიუთითებს, რადგან ის განიხილავს, გააძლიეროს თუ არა აშშ-ის მონაწილეობა კონფლიქტში.
„ჩვენ ზუსტად ვიცით, სად იმალება ე.წ. „უზენაესი ლიდერი“. ის ადვილი სამიზნეა, მაგრამ იქ უსაფრთხოდ არის — ჩვენ მის მოკვლას არ ვაპირებთ, სულ მცირე, ახლა არა“, – დაწერა ტრამპმა Truth Social-ზე.