ნაცების ახალგაზრდულის ეს ნახევრად სატანისტური აქცია შემთხვევითი არ გეგონოთ, – ასე ეხმიანება საპარლამენტო უმრავლესობის წევრი, გიორგი ჩაკვეტაძე, პარლამენტთან ნიღბიანი პირების მიერ გამართულ აქციას.
მისი განცხადებით, გარე ძალების მიზანი გასაგებია, აქაც უნდათ ცეცხლის დანთება, შესაბამისად, ყურადღება გვმართებს, რომ ეს განზრახვა მათ სისრულეში არ მოიყვანონ.
“ნაცების ახალგაზრდულის ეს ნახევრად სატანისტური აქცია შემთხვევითი არ გეგონოთ…
პარტიული უფროსები ავალებენ ამის გაკეთებას. ამათ უფროსებს კიდევ, თავიანთი უფროსები.
მთელს რეგიონში ცეცხლი ანთია. ფაქტობრივად, მხოლოდ საქართველოა მშვიდობის კუნძული.
გარე ძალების მიზანი გასაგებია, აქაც უნდათ ცეცხლის დანთება, რასაც განსაკუთრებით ბოლო 3 წელია ქართული სახელმწიფო არ უშვებს.
ჩვენ კი, ყურადღება გვმართებს, რომ ეს არც მომავალში დავუშვათ!” – წერს გიორგი ჩაკვეტაძე სოციალურ ქსელში.