გურიის მხარეში სახელმწიფო რწმუნებული გიორგი ღურჯუმელიძე, საქართველოს პარლამენტში გურიის დელეგატთან ვასილ ჩიგოგიძესთან და სახელმწიფო რწმუნებულის პირველ მოადგილესთან ქეთევან მოისწრაფეშვილთან ერთად, ჩოხატაურის მუნიციპალიტეტში შპს ,,ვორდ ფარმას” თანამედროვე სტანდარტების შესაბამისი ფარმაცევტული საწყობის გახსნას დაესწრო.
ახალი ინფრასტრუქტურა მნიშვნელოვნად გააუმჯობესებს რეგიონში მედიკამენტების სწრაფ, ეფექტურ და უსაფრთხო მიწოდებას, ასევე, ხელს შეუწყობს ახალი სამუშაო ადგილების შექმნას.
ღონისძიებას, ასევე, ესწრებოდნენ ჩოხატაურის მუნიციპალიტეტის მერი დავით შარაშიძე და საკრებულოს თავმჯდომარე ირაკლი კუჭავა.