დიდუბის რაიონის გამგეობამ აკაკი წერეთლის გამზირის N87-სა და N97-ში მდებარე კორპუსების სახურავების რეაბილიტაცია დაასრულა.
სამუშაოები 1500 კვ.მ ფართობზე განხორციელდა, რისთვისაც ადგილობრივი ბიუჯეტიდან 55 471 ლარი დაიხარჯა.
დასრულებულ სამუშაოებს დიდუბის რაიონის გამგებლის მოვალეობის შემსრულებელი ზურაბ უგულავა თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.