2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც ყინწვისის სპეცოპერაციის სახელით ცნობილი სისხლის სამართლის საქმე განიხილება, „ნაციონალური მოძრაობის“ რეჟიმის დაზარალებული ზაზა გვიმრაძე სპეცოპერაციის შესახებ საუბრობს. ზაზა გვიმრაძე მისი ცემის დეტალებს იხსენებს.
„ყველაფერზე მცემდნენ. როცა ბიძინა ივანიშვილი ჩაერთო პოლიტიკაში, მაშინ კიდევ უფრო გააძლიერეს ცემა. მერე თან გვეუბნებოდნენ, ოჯახს დაურეკეთ არჩევნები რომ იყო უთხარითო. მე რომ ვურეკავდი, [ვეუბნებოდი] ყველა გააფრთხილეთ, წავიდნენ, შემოხაზონ „ქართული ოცნება“. ამაზე კიდევ გცემდნენ და მე ვუთხარი რისი იმედი გაქვთ, ჯერ 17 სექტემბერი არ იყო მოსული. აი მაშინ აიჭრნენ ის კადრები რომ გავრცელდა. ერთხელ შემიყვანეს ოფიცრის ოთახში და ხელები დამაწყობინეს. ორი კაცი ჩამოჯდა მაგიდაზე და ორივემ ერთობლივად მუხლი მოიქნია და ჩამარტყეს [გვერდებში]. სუნთქვა დამეკეტა, სკამიდან გადავვარდი, თავი დავარტყი და ზემოდან მადგას ოფიცერი, ჯვარზე და თავზე მაფურთხებს და თავის ბინძურ ფეხს მისვამს თავზე“-განაცხადა ზაზა გვიმრაძემ.