ხელვაჩაურის მუნიციპალიტეტის მერიის, განათლების და კულტურის სამსახურის პროგრამის, “საშუალო განათლების მხარდაჭერა” ფარგლებში დაფინანსდა, ხელვაჩაურის რესურსცენტრის ინიციატივა, მხატვრულ-შემოქმედებითი კონკურსის შესახებ.
კონკურსი მახოს საჯარო სკოლაში გაიმართა და მასში, ხელვაჩაურის მუნიციპალიტეტის საჯარო სკოლების დაწყებითი კლასების მოსწავლეები მონაწილეობდნენ.
კონკურსის მიზანი იყო მოსწავლეებში მხატვრული ლიტერატურის კითხვის პოპულარიზაცია, წიგნიერების განვითარების ხელშერწყობა, ფუნქციურ-კომპონენტური უნარების გამოვლენა-განვითარების ხელშეწყობა.
კონკურსი ჩატარდა ორ: სასკოლო და მუნიციპალურ ტურად, მუნიციპალურ ტურში წარსადგენად გუნდებმა ,,ფლეშმობი“ დადგეს მასწავლებლებთან ერთად, მეორე ტურში კომისიის მიერ შერჩეული ნაწარმოებებიდან ერთ-ერთი აირჩიეს და ჯგუფური დავალება შეასრულეს, წაიკითხეს შერჩეული ნაწარმოები და წარმოადგინეს ილუსტრაციები სხვადასხვა სახით: გრაფიკული, ფერწერული და ნაძერწი სახით.
კონკურსში მონაწილეობა მიიღო სხვადასხვა სკოლის 80-მა მოსწავლემ, ყველა მონაწილე მოსწავლეს გადაეცა სიგელები და ფასიანი საჩუქრები.