ის საკუთარი აგენტურული საქმიანობისთვის პირდაპირ რუბლებში იღებს ხელფასს, – ამის შესახებ „აი იას“ ერთ-ერთმა დამფუძნებელმა, ვატო შაქარიშვილმა ელენე ხოშტარიაზე საუბრისას განაცხადა.
„ვინც ყველაზე მეტად ყვირის, ყველაზე ხმამაღლა გამოთქვამს ე.წ. ანტისაოკუპაციო, ანტირუსულ ლოზუნგებს, თავად ემსახურება რუსულ ინტერესებსა და ის აკეთებს სწორედ რუსულ საქმეს“, – აღნიშნა შაქარიშვილმა.
დღეს „ქრონიკამ“ გაავრცელა ინფორმაცია, რომ „დროას“ დამფუძნებლის ოჯახის წევრის ანგარიშზე რუსეთიდან, პერიოდულად, მილიონობით რუსული რუბლი ირიცხება.
მხოლოდ ბოლო სამი-ოთხი თვის განმავლობაში ელენე ხოშტარიას ოჯახის წევრის სახელზე რამდენიმე მილიონი რუსული რუბლი და ათიათასობით დოლარია ჩარიცხული, საერთო ჯამში დაახლოებით 140-დან 150 ათას დოლარამდე, საიდანაც ნაწილი ჩარიცხულია მოსკოვის დიდი თეატრის, ნაწილი კი რუსეთის ფედერალური ბიუჯეტის ანგარიშიდან.
ხოშტარიამ „ქრონიკის“ მიერ მოპოვებული სკანდალური ინფორმაცია დაადასტურა.