ხელვაჩაურის მუნიციპალიტეტში არსებული სპორტული ინფრასტრუქტურა, ხელვაჩაურის მუნიციპალიტეტის მერთან ერთად საქართველოს სპორტის მინისტრმა შალვა გოგოლაძემ დაათვალიერა და მწვრთნელებსა და სპორტსმენებს შეხვდა.
გაცნობითი ხასიათის შეხვედრას მინისტრის პირველი მოადგილე ირაკლი მეძმარიაშვილი, აჭარის ავტონომიური რესპუბლიკის განათლებისა და სპორტის მინისტრი მაია ხაჯიშვილი, საკრებულოს თავმჯდომარე თენგიზ ირემაძე, მერიისა და სკრებულოს წარმომადგენლები ესწრებოდნენ.
შალვა გოგოლაძემ სპორტსმენებისგან და მწვრთნელებისგან მოისმინა მათი საჭიროებების შესახებ. შეხვედრებზე იმსჯელეს მუნიციპალიტეტში სპორტული ინფრასტრუქტურის გაუმჯობესების გზებზე, ახალი ინფრასტრუქტურის შექმნასა და მუნიციპალიტეტის სპორტულ დაწესებულებებში ინვენტარისა და ეკიპირების საჭიროებებზე.
მინისტრმა სპორტული საზოგადოების წარმომადგენლებს საქართველოს მთავრობის პროექტი გააცნო, რომელიც მომავალი ოთხი წლის განმავლობაში მუნიციპალიტეტებში თანამედროვე მულტიფუნქციური კომპლექსები ასაშენებლად 2 მილიარდი ლარის დახარჯვას ითვალისწინებს, მინისტრის განცხადებით აჭარაში ადგილობრივი სპორტული ორგანიზაციები უახლოეს პერიოდში ყველა საჭირო ინვენტარსა და ეკიპირებას მიიღებენ.