ჩოხატაურის მუნიციპალიტეტის ხელოვნების სასახლეში ფილიმონ ქორიძის სახელობის სამუსიკო სკოლის 65 წლის იუბილესადმი მიძღვნილი ღონისძიება გაიმართა. კონცერტს გურიის მხარეში სახელმწიფო რწმუნებული გიორგი ღურჯუმელიძე, მისი მოადგილეები, ჩოხატაურის მერი დავით შარაშიძე და საკრებულოს თავმჯდომარე ირაკლი კუჭავა ესწრებოდნენ. სამუსიკო სკოლის აღსაზრდელებმა ქუთაისის სიმფონიური ორკესტრის თანხლებით, ქართველი და უცხოელი კომპოზიტორების ნაწარმოებები შეასრულეს.