ჩვენმა ევროპელმა მეგობრებმა უნდა გაიგონ ჩვენი პოლიტიკის რაობა, არსი და უნდა მიხვდნენ, შეაფასონ, რომ ჩვენ ვმოქმედებთ საქართველოს ეროვნული და უსაფრთხოების ინტერესებიდან გამომდინარე, – განაცხადა პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ ბუდაპეშტში, სადაც ქართულ დელეგაციასთან ერთად ოფიციალური ვიზიტით იმყოფება.
მისი თქმით, საქართველოს სურს ევროკავშირში წევრობა და ამ მხრივ არც სურვილები შეცვლილა და არც კონსტიტუციური ამოცანა.
„მთავარი ამოცანა იყო ყველასთვის გვეთქვა, რომ საქართველო რჩება ევროპული ინტეგრაციის ერთგული. ჩვენ გვსურს ევროკავშირში წევრობა, ასე რომ ჩვენი მხრიდან აქ არც სურვილები შეცვლილა და არც კონსტიტუციური ამოცანა. ასევე, გვქონდა საუბარი იმაზე, რომ რიგ შემთხვევებში ევროკავშირის მხრიდან საქართველოსთან მიმართებაში არის უსამართლო მიდგომა. მათ შორის, არ ხდება გათვალისწინება იმ უსაფრთხოების გამოწვევებისა, რომლის წინაშეც საქართველო დგას. შესაბამისად, ჩვენმა ევროპელმა მეგობრებმა უნდა გაიგონ ჩვენი პოლიტიკის რაობა, არსი და უნდა მიხვდნენ, შეაფასონ, რომ ჩვენ ვმოქმედებთ საქართველოს ეროვნული და უსაფრთხოების ინტერესებიდან გამომდინარე”, – აღნიშნა სამხარაძემ.