გურიის რეგიონის საგანგებო სიტუაციების მართვის სამსახურს თანამედროვე ევროპული სტანდარტების ,,ივეკო მაგირუსის” ორი ახალი სახანძრო მანქანა გადაეცა.
აღნიშნული მანქანები სპეციალურად საქართველოსთვის არის შექმნილი და განკუთვნილია, როგორც ტყის ხანძრების წინააღმდეგ ბრძოლისთვის, ასევე, ადაპტირებულია ურბანულ ხანძრებზე.
გურიის მხარეში სახელმწიფო რწმუნებულმა გიორგი ღურჯუმელიძემ, პირველ მოადგილესთან ქეთევან მოისწრაფეშვილთან, ლანჩხუთის მუნიციპალიტეტის მერთან ალექსანდრე სარიშვილთან და გურიის საგანგებო სიტუაციების მართვის მთავარ სამმართველოს უფროსთან მერაბ ჭანუყვაძესთან ერთად, ახალი სახანძრო ავტომობილები დაათვალიერა და მეხანძრე – მაშველებს შეხვდა.