ფრაქცია “ქართული ოცნების” თავმჯდომარის მოადგილემ, ლევან მაჭავარიანმა, “ღამის კურიერის” ეთერში განმარტა, რომ ვიზალიბერალიზაციის გაუქმება შანტაჟის მექანიზმია, რომელსაც თუ გამოიყენებენ, შანტაჟის მექანიზმიც არ დარჩებათ ხელში.
მაჭავარიანი სვამს კითხვას, – საქართველოს მოქალაქეები რის გამო უნდა დაისაჯონ, როდესაც ხელისუფლებას არანაირი სამართლებრივი საფუძველი არ შეუქმნია ამისთვის.
“მჭიდში ბოლო ტყვია არის შანტაჟის მექანიზმის, რომელიც თუ გამოიყენეს, შანტაჟის მექანიზმიც არ დარჩებათ ხელში. მაგრამ, მე ღრმად ვარ დარწმუნებული, რომ ისინი ამას ვერ გააკეთებენ, ვინაიდან ეს არის ჩვენი მოქალაქეების პირდაპირი დასჯა. ჩვენი მოქალაქეები რის გამო უნდა დაისაჯონ, როდესაც ჩვენ არანაირი სამართლებრივი საფუძველი არ შეგვიქმნია ამისთვის. ისინი, რომ რაღაც ჟანგბადი მიაწოდონ ოპოზიციას, ამით ყველანაირ ურთიერთობას ხაზს გადაუსვამენ. 2022 წლის 24 თებერვლიდან რა უსამართლობაც დაიწყო, ეს ამის გაგრძელებაა. რატომ დაემთხვა, რომ ორ კვირაში ბიძინა ივანიშვილს შეუზღუდეს დაახლოებით 2 მილიარდ დოლართან წვდომა, რატომ დაემთხვა ეს ყველაფერი?”, – განაცხადა ლევან მაჭავარიანმა.