ვიხილეთ ე.წ. არასამთავრობო ორგანიზაციების წარმომადგენლები როგორ დაირაზმნენ, როგორ ჩამოდგნენ და განაცხადეს, რომ საქართველოში მიიღება რუსული კანონი. ჩვენ ეს ფილმი ვნახეთ 2023 წელსაც, 2024 წელსაც და ახლაც ვხედავთ, – განაცხადა იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ.
„ვიხილეთ ე.წ. არასამთავრობო ორგანიზაციების წარმომადგენლები როგორ დაირაზმნენ, როგორ ჩამოდგნენ და განაცხადეს, რომ საქართველოში მიიღება რუსული კანონი. ჩვენ ეს ფილმი ნანახი გვაქვს უკვე. ეს ფილმი ვნახეთ 2023 წელსაც, 2024 წელსაც და ახლაც ვხედავთ. ქართული საზოგადოება არ მოტყუვდება, ამ მავნებლების ცრუ ინფორმაციის გავრცელების მიუხედავად საქართველოში მიიღება ქართული კანონები. ვერ გაურკვევიათ პარტიის სახელით აკეთებენ განცხადებას, არასამთავრობო ორგანიზაციის, თუ მაგალითად ლომჯარიას შემთხვევაში სახალხო დამცველი არის თუ არა, რომ ვერ გაუგიათ ჯერ კიდევ, ეს ადამიანები ცდილობენ, რომ ისევ და ისევ მოატყუონ საზოგადოება და თავიანთი ბნელი ზრახვები დამალონ სხვადასხვა განცხადებების უკან“, – განაცხადა გორდულაძემ.
კოლექტიური „ნაციონალური მოძრაობის“ მოკავშირე არასამთავრობო ორგანიზაციები იმავე ხელწერით მოქმედებენ. მათთვის მიუღებელ საკანონმდებლო ცვლილებას, კვლავ რუსულს უწოდებენ. კონკრეტული არგუმენტები ისევ არ აქვთ. საუბარია კანონპროექტზე, რომელიც უცხოური დონორის მიერ გრანტის გაცემის წესს არეგულირებს.