ირლანდიის სენატმა რეზოლუცია მიიღო, რომელიც აღიარებს საქართველოს მიღწევებს ევროინტეგრაციის გზაზე და მოუწოდებს საქართველოს, შეინარჩუნოს ხელშესახები პროგრესი ევროკავშირთან შემდგომი პოლიტიკური და ეკონომიკური ინტეგრაციისთვის აუცილებელი რეფორმების განხორციელებაში.
რეზოლუცია აფასებს საქართველოს ხალხსა და მთავრობას ბოლო წლებში განხორციელებული წარმატებული რეფორმებისთვის, რომელიც მიმართულია დემოკრატიის კონსოლიდაციაზე, ადამიანის უფლებების დაცვაზე, კანონის უზენაესობის, მედიის თავისუფლებისა და კარგი მმართველობის უზრუნველყოფაზე, ასევე მთავრობის გამჭვირვალობისა და სასამართლო დამოუკიდებლობის განმტკიცებაზე.
რეზოლუცია რეკომენდაციას უწევს ირლანდიის მთავრობას მხარი დაუჭიროს საქართველოს კანდიდატის სტატუსის მინიჭებაში, რაც დააახლოებს საქართველოს ევროკავშირის წევრობასთან და სტიმულს მისცემს, გააგრძელოს დემოკრატიის განმტკიცებისა და კონსოლიდაციის რეფორმების განხორციელება.
რეზოლუცია აღიარებს საქართველოს პროგრესს და ევროკავშირთან დაახლოების მაღალ დონეს და მტკიცე რეკომენდაციას იძლევა, შენარჩუნდეს პოლიტიკური იმპულსი და საქართველოს მიენიჭოს ევროკავშირის წევრობის კანდიდატის სტატუსი ევროსაბჭოს სხდომაზე, რომელიც ივნისში გაიმართება.