დიდუბის რაიონის გამგეობის ორგანიზებით, სასკოლო გუნდებს შორის ფრენბურთის ტურნირი „დიდუბე 2025“ ჩატარდა. ტურნირი ექვსი დღის განმავლობაში მიმდინარეობდა და მასში დიდუბის რაიონის სკოლების მოსწავლეებით დაკომპლექტებულმა თვრამეტმა გუნდმა მიიღო მონაწილეობა.
ტურნირის გამარჯვებული, გოგონებშიც და ვაჟებშიც, 155-ე სკოლა გახდა.
შეჯიბრების მიმდინარეობისას, ასევე გამოვლინდნენ საუკეთესო მოთამაშეები და ბომბარდირები. საუკეთესო მოთამაშეებად მარიამ კუპატაძე და ნიკოლოზ დათიაშვილი, ხოლო ბომბარდირებად ალისა კტოიანი და ლუკა წიკლაური დასახელდნენ.
გამარჯვებულებს დიდუბის რაიონის გამგებელმა ლადო ძნელაძემ საჩუქრად თასები, მედლები, სიგელები და სპორტული მაღაზიის ვაუჩერები გადასცა.