დედოფლისწყაროს მუნიციპალიტეტის მერიასა და „საფეხბურთო კლუბი დინამო თბილისის საფეხბურთო სკოლას“ შორის გაფორმებული ურთიერთთანამშრომლობის მემორანდუმის საფუძველზე დედოფლისწყაროს ახალ საფეხბურთო სტადიონზე საფეხბურთო წვრთნები მიმდინარეობს.
6-12 წლის ბავშვები საფეხბურთო მომზადებას საფეხბურთო კლუბ ,,დინამო თბილისის“ მეთოდოლოგიით გადიან.
ვარჯიშს დედოფლისწყაროს მუნიციპალიტეტის მერი ნიკოლოზ ჯანიაშვილი მოადგილესთან, მალხაზ მერაბიშვილთან ერთად დაესწრო. ნიკოლოზ ჯანიაშვილის განცხადებით, დედოფლისწყაროელ ბავშვებს აქვთ უნიკალური შანსი , მაღალ დონეზე გაიარონ საფეხბურთო მომზადება და მიაღწიონ დიდ წარმატებებს.
ამისათვის კი დედოფლისწყაროს მუნიციპალიტეტის მერია ყველაფერს გააკეთებს.
დედოფლისწყაროს მუნიციპალიტეტის მერიასა და „საფეხბურთო კლუბი დინამო თბილისის საფეხბურთო სკოლას“ შორის ურთიერთთანამშრომლობის მემორანდუმი მიმდინარე წლის იანვარში გაფორმდა.