აჭარის მთავრობა ხანძრით და სტიქიით დაზარალებულ 226 ოჯახს 2 მილიონ 517 655 ლარით დაეხმარება.
საკითხთან დაკავშირებით, აჭარის ავტონომიური რესპუბლიკის ადმინისტრაციულ საზღვრებში, სტიქიით მიყენებული ზიანის სალიკვიდაციო შერეული სამთავრობო კომისიის მორიგ სხდომაზე იმსჯელეს.
ხანძრის შედეგად დაზარალებული 10 და სტიქიის შედეგად დაზარალებული 216 ოჯახის დასახმარებლად, რესპუბლიკური ბიუჯეტის სარეზერვო ფონდიდან, ჯამში 2 მილიონ 517 655 ლარი გამოიყოფა. კომისიის რეკომენდაცია ხელმოსაწერად უახლოეს დღეებში აჭარის მთავრობის თავმჯდომარეს გადაეგზავნება.
ფინანსურ დახმარებას რეგიონის ექვსივე მუნიციპალიტეტში დაზარალებული ოჯახები მიიღებენ:
– ქალაქ ბათუმის მუნიციპალიტეტი – ხანძრის შედეგად დაზარალებული 2 ოჯახი, 40 000 ლარი.
– ქობულეთის მუნიციპალიტეტი – ხანძრის და სტიქიის შედეგად დაზარალებული 76 ოჯახი, 541 021 ლარი.
– ხელვაჩაურის მუნიციპალიტეტი – ხანძრის და სტიქიის შედეგად დაზარალებული 74 ოჯახი, მილიონ 76 204 ლარი.
– ქედის მუნიციპალიტეტი – სტიქიის შედეგად დაზარალებული 47 ოჯახი, 528 139 ლარი.
– შუახევის მუნიციპალიტეტი – ხანძრის და სტიქიის შედეგად დაზარალებული 22 ოჯახი, 283 628 ლარი.
– ხულოს მუნიციპალიტეტი – სტიქიის შედეგად დაზარალებული 5 ოჯახი, 48 663 ლარი ლარი.
2024 წელს, ამავე კატეგორიის ოჯახებს, საცხოვრებლი სახლების აღდგენა/რეაბილიტაციისთვის აჭარის მთავრობის სარეზერვო ფონდიდან ფინანსური დახმარება 4 მილიონ 475 768 ლარის ოდენობით გაეწიათ.