“ხალხის ძალის” წევრი, ზურაბ ქადაგიძე, ეხმიანება “ილიაუნის” ასოცირებული პროფესორის, მურმან მარგველაშვილის განცხადებას, რომლის თანახმად, სახელმწიფო რომ ვართ, ამაში USAID-ის უდიდესი წვლილია.
ქადაგიძის განცხადებით, ქართველებს აქამდე გვეგონა, რომ ჩვენი სახელმწიფოებრიობა და თვითმყოფადობა საქართველოს მეფეებისა და გმირების დამსახურება იყო, მარგველაშვილი კი ამას USAID-ს მიაწერს. როგორც ზურაბ ქადაგიძე აღნიშნავს, მურმან მარგველაშვილის მაგალითზე ნათელი ხდება, როგორ ურეცხავენ ტვინს “დიფ სთეითის” პროპაგანდისტები თავიანთ მონებს და აგენტებს. “ჩვენ, ქართველებს, აქამდე გვეგონა, რომ ჩვენი სახელმწიფოებრიობა და თვითმყოფადობა ვახტანგ გორგასლის, დავით აღმაშენებლის, თამარ მეფის, გიორგი ბრწყინვალეს, ერეკლე მეფის და ჩვენი წმინდა გმირების დამსახურება იყო. აი, ამ პატიოსანმა გვამმა კი USAID-ის დამსახურებააო. დახედეთ ამ კაცს და მიხვდებით, როგორ ურეცხავენ ტვინს “დიფ სთეითის” პროპაგანდისტები თავიანთ მონებს და აგენტებს,” – წერს ზურაბ ქადაგიძე სოციალურ ქსელში.