სამ თვეზე მეტია ქვეყანაში მიზანმიმართულად მიმდინარეობს პოლიტიკური კრიზისის და ეკონომიკური კრიზისის შექმნის მცდელობა. სახელმწიფოს უნდა ჰქონდეს ყველა რესურსი, რათა დაიცვას საკუთარი თავი და საკუთარი ქვეყანა, – განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა ვლადიმერ ბოჟაძემ.
„სამ თვეზე მეტია ქვეყანაში მიზანმიმართულად მიმდინარეობს პოლიტიკური კრიზისის და ეკონომიკური კრიზისის შექმნის მცდელობა. მიზანმიმართულად მიმდინარეობს პოლიტიკური თანამდებობის პირების, პოლიციელების, სხვადასხვა პროფესიის ადამიანების ბულინგი, სიტყვიერი, ფიზიკური შეურაცხყოფა. სახელმწიფოს უნდა ჰქონდეს ყველა რესურსი, როდესაც სახელმწიფოს მიმართ არის მიზანმიმართული დაფინანსებული, ორგანიზებული შეტევა, სახელმწიფო ინსტიტუტებს ჰქონდეთ საშუალება დაიცვან საკუთარი თავი და საკუთარი ქვეყანა“, – განაცხადა ბოჟაძემ.
ადმინისტრაციულ სამართალდარღვევათა და სისხლის სამართლის კოდექსში შესატან ცვლილებებს დღეს პლენარულ სხდომაზე განიხილავენ.