პარტია “ხალხის ძალის” წევრი დავით ქართველიშვილი ინდოეთსა და ჩინეთს შორის პირდაპირი ფრენების აღდგენას სოციალურ ქსელში ეხმიანება. “გლობალური ომის პარტიას არ აჩერებდა სახელმწიფოების “ზომები” და მათი როლი მსოფლიო კონფიგურაციაში ” – წერს ექსპერტი და განმარტავს, რომ დიფ სთეითი საქართველოს არასასურველ ინვესტიციებსაც უბლოკავდა და გარკვეული გეოგრაფიული ლოკაციებისკენ სწრაფვასაც უშლიდა.
დავით ქართველიშვილმა აღნიშნა, რომ მსგავსი ზეწოლა იყო ინდოეთზეც, ბაიდენის ადმინისტრაციის პირობებში.
ჩინეთისა და ინდოეთის პარტნიორული ურთიერთობების წინააღმდეგ მიმდინარეობდა ბრძოლა, რაც, მათ შორის, პირდაპირი ფრენების შეზღუდვით გამოიხატა. ექსპერტი წერს, რომ დიფ სთეითის დასუსტების ერთ-ერთი ნიშანი , 5 წლის შემდეგ, ინდოეთსა და ჩინეთს შორის პირდაპირი ფრენების აღდგენაზე საუბარია. “როდესაც ვსაუბრობთ “დიფ სთეითის” ფართომასშტაბურ ჩარევებზე ქვეყნების უფლებაზე, აწარმოონ მისგან დამოუკიდებელი და სუვერენული პოლიტიკა – სწორედ ამას ვგულისხმობ.
“გლობალური ომის პარტიას” არ აჩერებდა სახელმწიფოების “ზომები” და მათი როლი მსოფლიო კონფიგურაციაში. საქართველოს უკრძალავდნენ გარკვეული გეოგრაფიული ლოკაციების მისამართით გახედვასაც კი, უბლოკავდნენ “არასასურველი” მიმართულებებიდან საინვესტიციო პროცესებს. წარმოიდგინეთ და ინდოეთზეც კი იყო მსგავსი ზეწოლა, სწორედ რომ ბაიდენის ადმინისტრაციის პირობებში – მიდიოდა დაუფარავი ბრძოლა ჩინეთ-ინდოეთის ურთიერთობების დაახლოების ნებისმიერი ფორმის წინააღმდეგ, პირდაპირი რეისების განხორციელების აკრძალვის ჩათვლით. პირველად, უკანასკნელი ხუთი წლის შემდეგ, ეს დაბრკოლება, ეს ბლოკიც დაძლეული იქნა. სწორედ ეს არის “დიფ სთეიათის” დეკლარირებული დასუსტების კიდევ ერთი, მკაფიო მაგალითი. ეს ერთი და სხვა მრავალი…”- წერს დავით ქართველიშვილი სოციალურ ქსელში.