შანტაჟს რომ არ დაექვემდებაროს და ყოველ ჯერზე რომ არ ანჯღრიონ ეს ქვეყანა, როდესაც მზად იქნება ევროკავშირი რომ მოლაპარაკებები გახსნას, იმ წუთასვე მოვაწერთ ხელს, – განაცხადა საპარლამენტო უმრავლესობის წევრმა ირაკლი ზარქუამ გადაცემაში „იმედი LIVE“.
წამყვანმა ჰკითხა, რას უპასუხებს საზოგადოების იმ ნაწილს, ვინც დღეს აქციებზე დგას და არ არის პოლიტიკურად აფილირებული, ამბობენ იმას, რომ ისინი იბრძვიან ევროინტეგრაციისთვის და რომ ხელისუფლებამ ეს პროცესი გააჩერა და და საქართველომ ევროპული გზიდან გადაუხვია.
„ეს ჩვენი ჩავარდნაა, ჩვენი გამოწვევა, რომ ახალგაზრდებს უკეთესად ვერ ავუხსენით. [ევროინტეგრაცია] არ გაგვიჩერებია. ყველა ეტაპი გავიარეთ ღირსეულად – ვიზალიბერალიზაცია, თავისუფალი ვაჭრობა ევროკავშირთან, ბოლოს [კანდიდატის] სტატუსი, მიუხედავად იმისა, რომ ევროპარლამენტში ჩანერგილები და ლობისტური კომპანიების მიერ დაქირავებულები გვამუნათებდნენ. ჩვენ შანტაჟს არ დავექვემდებარებით. როგორც კი ევროკავშირი იქნება მზად რომ გახსნას მოლაპარაკება, მაშინვე ხელს მოვაწერთ და გავაგრძელებთ [ევროინტეგრაციას]. ჩვენ გავაჩერეთ ეს პროცესი, ჩვენი ინიციატივაა უბრალოდ, თორემ პროცესი გრძელდება, რეფორმებიც, რადგან თავად თქვეს, რომ 2030-მდე ევროკავშირის გაფართოება არ იგეგმება. ამიტომ ვთქვით, რომ შანტაჟს რომ არ დაექვემდებაროს და ყოველ ჯერზე რომ არ ანჯღრიონ ეს ქვეყანა, როდესაც მზად იქნება ევროკავშირი რომ მოლაპარაკებები გახსნას, იმ წუთასვე მოვაწერთ ხელს. ახალგაზრდებს მივმართავ, ნუ შეხვალთ შეცდომაში, ნუ გამოაყენებინებთ თავს“, – აღნიშნა ზარქუამ.