ხალხნო, აზრზე ხართ რა დონეზე აქვთ ძალადობა წახალისებული ამ ვითომ ოპოზიციას? – ასე ეხმიანება გიორგი გამსახურდია პარტია “საქართველოსთვის” ლიდერ გიორგი გახარიასა და “ქართული ოცნების” წევრებს შორის მომხდარ დაპირისპირებას, რომლის ამსახველი ვიდეომასალაც ცოტა ხნის წინ გავრცელდა.
გამსახურდიას თქმით, კადრებში ჩანს, რომ გახარია პოლიტიკოსს, რომელიც მას კართან ხვდება, ჭიქიან ხელს ურტყამს.
“ხალხნო, აზრზე ხართ რა დონეზე აქვთ ძალადობა წახალისებული ამ ვითომ ოპოზიციას? პოლიტიკოსად თვლის თავს ეს გარეწარი გახარია და მეორე პოლიტიკოსი, კარებში ეკითხება მიცანიო? ეს კიდევ, პასუხად ჭიქიან ხელს ურტყამს! ეს მოღალატე, ნაძირალა და მოძალადე! თან, აშკარად არაფხიზელ მდგომარეობაშია…” – წერს გიორგი გამსახურდია სოციალურ ქსელში.