„თბილსერვის ჯგუფი“ რუსთაველის გამზირზე საახალწლო ილუმინაციების მცირე ხნით გამორთვის მიზეზთან დაკავშირებით განცხადებას ავრცელებს.
„რუსთაველის გამზირის მიმდებარედ გაჩენილი ხანძრის გამო, სს „თელასმა“ უსაფრთხოების მიზნით, რამდენი წუთის განმავლობაში გათიშა ელექტროენერგიის მიწოდება, რის გამოც დროებით გაითიშა გამზირზე არსებული საახალწლო ილუმინაციები.
ამ დროისთვის ელექტროენერგიის მიწოდება აღდგენილია და რუსთაველის გამზირზე საახალწლო განათებები ჩართულია”, – ნათქვამია განცხადებაში.
ხანძარი ფურცელაძის ქუჩაზე საცხოვრებელ სახლში გაჩნდა. ამ დროისთვის ხანძარი ლიკვიდირებულია, დაშავებული არავინაა.