ჯარი აპოლიტიკური ინსტიტუციაა – რა გასაკვირია, რომ ხაზარაძე ასეთ პროვოკაციულ განცხადებას აკეთებს, – „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
დეპუტატი გამოეხმაურა ქართული ჯარისადმი მამუკა ხაზარაძის მოწოდებას, რომ არ დაემორჩილონ ახალ პრეზიდენტს.
„რაც მეტ ასეთ ანტისახელმწიფოებრივ და ანტიქართულ განცხადებას გააკეთებს, მით უფრო დაჩქარდება პოლიტიკიდან ხაზარაძისა და გახარიას წასვლის პროცესი. ჯარი ის ინსტიტუციაა, რომელიც აპოლიტიკურია და უნდა იყოს, ჯარი ქვეყანას და სამშობლოს ემსახურება. თუმცა მათ აღიარეს, რომ მათთვის სამშობლო მხოლოდ ემოციაა და გაუგებარია სამშობლოს ცნება. რა გასაკვირია, რომ ხაზარაძე ასეთ პროვოკაციულ განცხადებას აკეთებს“, – აღნიშნა მაჭარაშვილმა.
კოალიცია „ძლიერი საქართველოს“ ლიდერი მამუკა ხაზარაძე ქართულ ჯარს დაუმორჩილებლობისკენ მოუწოდებს.