დედოფლისწყაროს მუნიციპალიტეტის მერმა ნიკოლოზ ჯანიაშვილმა მოადგილესთან, მალხაზ მერაბიშვილთან და გამარჯვებაში მერის წარმომადგენელთან, ზვიად ზვიადაურთან ერთად სოფელ გამარჯვებაში კულტურის სახლის მიმდებარე ტერიტორიაზე სკვერის მოწყობის სამუშაოები დაათვალიერა. პროექტის ფარგლებში ეწყობა დასასვენებელი პარკი, ბავშვთა გასართობი მოედანი და ატრაქციონები. ახალი სკვერის დასრულება აგვისტოს ბოლოსთვის იგეგმება. პროექტს რეგიონული განვითარების ფონდი ადგილობრივ ხელისუფლებასთან ერთად ახორციელებს და მისი ღირებულება 205 904 ლარს შეადგენს.