IMG.GE ___________________________________ IMG.GE

“ევროპელი სოციალისტები” მთავრობას მიმართავენ, რომ მოქალაქეებს ელექტროენერგიისა და ბუნებრივი აირის გადასახადი 1 თვით კვლავ გადაუხადოს. ამის შესახებ ნათქვამია პარტიის მიერ გავრცელებულ განცხადებაში.

მივმართავთ საქართველოს მთავრობის ეკონომიკურ გუნდს, არსებული სიტუაციიდან გამოდინარე, სუბსიდირების ვადა გახანგრძლივდეს კიდევ   ერთი თვით, 2021 წლის მარტის თვის ჩათვლით. მთავრობის ეს გადაწყვეტილება იქნება პატარა შეღავათი  მძიმე სოციალურ-ეკონომიკურ მდგომარეობაში მყოფი საქართველოს მოსახლეობისთვის.

იმდენად რამდენადაც, ზემოთ აღნიშნულ 2020 წლის ნოემბერ, დეკემბრისა და 2021 წლის იანვრისა და თებერვლის თვეებში   საგრძნობლად  მოიმატა კორონა ვირუსით გამოწვეულმა ინფიცირებულთა  რაოდენობამ, რამაც იძულებული გახადა მთავრობა კიდევ უფრო გაემკაცრებინა შეზღუდვები, ამას  თან დაერთო სუსხიანი  ზამთარი,  მოსახლეობის სოციალ ეკონომიური მდგომარეობა კიდევ უფრო დამძიმდა.

იქიდან გამომდინარე,  რომ სინოპტიკოსთა პროგნოზით 2021 წლის მარტის თვეც ასევე სუსხიანი იქნება, მივმართავთ თხოვნით მთავრობას, რათა გააგრძელოს სუბსიდირების ვადა კიდევ ერთი თვით 2021 წლის მარტის თვის ჩათვლით. გასათვალისწინებელია ასევე ის ფაქტიც, რომ გაზის წვის მაჩვენებლის  აღება  ხდება ყოველი თვის 11-13 მდე, ხოლო ელექტროენერგიის დანახარჯის მაჩვენებელის 17-20 რიცხვამდე, რაც ნიშნავს იმას,  რომ მოსახლეობამ სრულყოფილად ვერ გამოიყენა მთავრობის მიერ გაწეული სუბსიდირება  (გაზის მოხმარებისთვის სუბსიდირება მოხდა 2020 წლის 11-13 ოქტომბრიდან 11-13 ნოემბრამდე , ხოლო ელექტროენერგიის 17-20 ოქტომბრიდან 17-20 ნოემბრამდე) და ეს ასევე  ეწინააღმდეგება მთავრობის მიერ მიღებული 30 ოქტომბრის  სუბსიდირების დადგენილების მე-2 მუხლის ჩანაწერს სადაც მითითებულია რომ “პირველი მუხლის შესაბამისად მიღებული დაფინანსება არ უნდა იქნეს მიმართული მომხმარებლის მიერ 2020 წლის ნოემბრამდე წარმოშობილი დავალიანებების დასაფარად”.  – ნათქვამია განცხადებაში.

კომენტარის დატოვება
IMG.GE
გაზიარება