დროა, მოძებნოს ახალი სამსახური, – განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა სალომე ზურაბიშვილზე საუბრისას.
„მან თავისი მოღვაწეობა ძალიან დიდი სამწუხარო ნოტებით დაასრულა, რომლითაც ჩვენმა ქვეყანამ კიდევ ერთხელ გაიაზრა, როგორი არ უნდა იყოს ქვეყნის პრეზიდენტი – ანტიქართული, ანტისახელმწიფოებრივი, ანტიეროვნული, რის გამოც მას იმპიჩმენტი გამოუცხადა საკონსტიტუციო სასამართლომ. პროცესები განვითარდება იმ კონსტიტუციური წესით, რაც საქართველოშია მიღებული. მოუწევს დამორჩილება იმ რეგულაციის, რომელიც მისი ორბელიანების სასახლიდან გამოსვლას და იქ მიხეილ ყაველაშვილის შესვლას გულისხმობს“, – განაცხადა მათიკაშვილმა.