ბრიტანეთის საგარეო, თანამეგობრობის და განვითარების მინისტრი დევიდ ლამი, რომლის განცხადების მიხედვითაც, გაერთიანებული სამეფო აჩერებს საქართველოს მთავრობის პროგრამულ მხარდაჭერას, ზღუდავს თავდაცვის სფეროში თანამშრომლობას და ამცირებს ჩართულობას „ქართული ოცნების“ მთავრობის წარმომადგენლებთან, დონალდ ტრამპს აქტიურად აკრიტიკებს.
დევიდ ლამი სოციალურ პლატფორმა x-ზე ტრამპის პოლიტიკის საწინააღმდეგო და მისი მისამართით შეურაცხმყოფელი განცხადებებით გამოირჩევა.
„მატყუარა და მშიშარა. ადამიანი, რომელსაც სურს კიდევ ერთხელ ნახოს დაყოფილი ევროპა“, „თუ ტრამპი დიდ ბრიტანეთში ჩამოვა, მე ამას ქუჩაში გავაპროტესტებ. ის არის რასისტი, კუ კლუქს კლანისა და ნაცისტების მომხრე“, არასწორი, არაკეთილსინდისიერი, ქსენოფობიური, ნარცისი დონალდ ტრამპი არ არის ბრიტანეთის მეგობარი.
ის არ არის ღირსი დაიკავოს სახელმწიფო თანამდებობა, რომ აღარაფერი ვთქვათ იმაზე, რომ იყოს ჩვენი ქვეყნის უმაღლესი ღირსებისა და დედოფალთან ბანკეტზე დასწრების ღირსი“ , „ჰიტლერმა იგივე თქვა გერმანიაზე 1940 წლის თებერვალში გამოსვლაში“,- წერდა დავიდ ლამი დონალდ ტრამპის სლოგანზე „კვლავ გავხადოთ ამერიკა დიადი“.
შეგახსენებთ, რომ დიდი ბრიტანეთის საგარეო, თანამეგობრობის და განვითარების მინისტრის დევიდ ლამის განცხადებას საქართველოში ბრიტანეთის საელჩო სოციალურ ქსელში ავრცელებს.