პარტია „ხალხის ძალის“ წევრი ზურაბ ქადაგიძე დავით კეზერაშვილთან დაკავშირებით სტრასბურგის სასამართლოს გადაწყვეტილებას სოციალური ქსელით ეხმიანება და წერს, რომ რიგითი ღატაკი კმარელ-რევოლუციონერი, თანამდებობის დატოვებიდან მალევე გახდა მსხვილი ოლიგარქი და ასობით მილიონი დოლარის პატრონი.
„დღეს, 2008 წლის 5 დეკემბერს კეზერაშვილი თავდაცვის მინისტრობიდან წავიდა. მანამდე ის ხუთი წლის განმავლობაში იყო სახელმწიფო მოხელე, მანამდე კი რიგითი ღატაკი კმარელ-რევოლუციონერი. თანამდებობის დატოვებიდან მალევე ის ხდება მსხვილი ოლიგარქი, ასობით მილიონი დოლარის პატრონი.
თუ ვინმეს ჰგონია, რომ ეს თანხა მან სასამართლოთი დოკუმენტირებულად დასაბუთებული და დღეს სტრასბურგის მიერ დადასტურებული 5 მილიონი ევროს მოპარვით იშოვა, ის ჭეშმარიტად ნეტარია და მისი ადგილი ტვ ფორმულაშია, ვიდრე არსებობს ჯერ კიდევ,“ -წერს ზურაბ ქადაგიძე.