ანალიტიკოსი გია აბაშიძე სოციალურ ქსელში წერს:
“საქართველოს საზოგადოების დიდ ნაწილს, რომ ევროპულ ოჯახში სურს ცხოვრება, ეჭვგარეშეა. თუმცა, ხალხის უმცირესი ნაწილიც კი ვერ შეუერთდება ამ სურვილის დემონსტრირების ანდა სხვაგვარ სოციალურ აქციებს, სადაც თავიდანვე ცნობილია, რომ იქ სააკაშვილის ღალატისა და ფლიდობის ორბიტის “პოლიტიკოსები” და მათი ე.წ. ცნობილი სახეები იქნებიან.
რესპუბლიკის მოედანზე მოქალაქეები აქციას “ერთად ევროპისკენ” გაიმართა. აქციის მონაწილეების განცხადებით, მათი შეკრების მიზანი იყო მთელ მსოფლიოს დაენახა, რომ საქართველოს სურს ევროპა და ევროკავშირში გაწევრიანება.
გავრცელებული ინფორმაციით, დღევანდელი აქციის ორგანიზატორები რიგითი მოქალაქეები იყვნენ, თუმცა პოლიტიკოსები, არასამთავრობოები, სხვადასხვა სფეროდან საზოგადოებისთვის ცნობადი სახეები შეუერთდნენ.
ხალხი ბრძენია, ყველაფერს ხედავს. მიხვდა, რომ ამ აქციის მიღმა “ნაცების” კვალი იყო. ამ უკანასკნელთ სურდათ მასობრივი შეკრების ორგანიზება, მაგრამ, ჩვეულებისამებრ, ვერ გამოუვიდათ.
ჩემი თანადგომა იმ ადამიანებს, რომლებიც გულწრფელად მივიდნენ რესპუბლიკის მოედანზე ყოველგვარი პარტიული ანგაჟირების გარეშე!” – წერს აბაშიძე