უკრაინის რადის სპიკერი რუსლან სტეფანჩუკი უნგრელი კოლეგის, მწვავე განცხადებებს ეხმაურება. უკრაინის პარლამენტის თავმჯდომარის თქმით, „დემოკრატიული მსოფლიო გაკვირვებულია არა პრეზიდენტ ზელენსკის განცხადებებით, არამედ უნგრეთის პოზიციით, რომელიც ჯიუტად განაგრძობს უკრაინისთვის ლაფის დასხმას და რუსეთის გათეთრებას“.
მანამდე უნგრეთის პარლამენტის სპიკერმა ლასლო კევერმა განაცხადა, რომ ვერ იხსენებს მაგალითებს, როცა დახმარების სათხოვნელად ისეთი ტონით მიმართავდნენ არა მხოლოდ ბუდაპეშტს, არამედ მაგალითისთვის, გერმანიის კანცლერსაც, როგორც ამას ზელენსკი აკეთებს. ამის შესახებ კევერმა უნგრული მედიისთვის მიცემულ ინტერვიუში ისაუბრა. მისი თქმით, უკრაინის ლიდერს შესაძლოა ფსიქიკური პრობლემები ჰქონდეს.