პარტია „ხალხის ძალის“ წევრი თამარ ჩიბურდანიძე ევროპარლამენტარების საქართველოში ვიზიტს სოციალურ ქსელში ეხმიანება. „რევოლუციის წამახალისებელი ევროპარლამენტარები კვლავ საქართველოში იმყოფებიან, იქნებ როგორმე ქუჩა აადუღონ, მაგრამ ქუჩის ნაცვლად ჯერჯერობით მხოლოდ მათი თავების დუღილს ვხედავთ“- წერს ექსპერტი სოციალურ ქსელში და აღნიშნავს, რომ ოპოზიციისა და მათი უცხოელი პატრონების მიერ გავრცელებული დეზინფორმაციის ხანა დასრულდა და საქართველოში ოპოზიციის აქციები მათი უკანასკნელი ტრიბუნაა.
“რევოლუციის წამახალისებელი ევროპარლამენტარები კვლავ საქართველოში იმყოფებიან, იქნებ როგორმე ქუჩა აადუღონ, მაგრამ ქუჩის ნაცვლად ჯერჯერობით მხოლოდ მათი თავების დუღილს ვხედავთ. ახლა კიდევ უფრო ცუდ დღეში არიან, მცირე დრო აქვთ დარჩენილი პოლიტიკაში. მათი მატარებელი უკვე დეპოშია ხანგრძლივი პერიოდით. საქართველოში ოპოზიციის უსუსური აქციები კი სავარაუდოდ, მათი ბოლო ტრიბუნაა.
საქართველომ დაიწყო და ტრამპის ამერიკა ასრულებს მახინჯი დემოკრატიის აპოგეას მსოფლიოში. დღევანდელი ოპოზიციის და მათი უცხოელი პატრონების პოლიტიკა შემოდგომის ფოთლებივით ფარფატებს და ელის სუსხიან ზამთარს. მათ არ სურთ იმ რეალობის აღქმა, რა რეალობაშიც უწევს დღეს მსოფლიოს ცხოვრება. დასრულდა დეზინფორმაციის ხანა! დასრულდა ყველაფერი ფსევდო! დასრულდა ქართველი ხალხისთვის სხვისი ბატონობის პერიოდი! “ევროპელი” პოლიტიკოსები კიდევ ერთხელ გვსტუმრობენ.
“ევროპულად” მოგვიწოდებენ რევოლუციისკენ, “ევროპულად” ჩაერევიან ჩვენი ქვეყნის შიდა საქმეებში და ბოლოს “ევროპულ” მუქარას დაგვიტოვებენ. ისინი ქართველ ხალხს კიდევ ერთხელ მოუწოდებენ არეულობისკენ, ბობოქრობისკენ, რევოლუციისკენ. ეს მაშინ, როდესაც მათი “ევროპა” საღათას ძილით იძინებს და გაიღვიძებს თუ არა ოდესმე, ესეც არავინ იცის. თბილისს თანამედროვე პოლიტიკისგან ჩამოწერილი ევროპარლამენტარები სტუმრობენ, რომელთაც პარლამენტი შესაბამისი პასუხით ხვდება,“- აღნიშნა თამარ ჩიბურდანიძე.