დავით თარხან-მოურავი ამბობს, რომ ვალები აქვთ და სახელმწიფო დაფინანსებას ალტ-ინფოს ვერ გაუყოფს. ამის შესახებ მან 29 ოქტომბერს განაცხადა და დასძინა, რომ არასდროს არ ჰყოფნიდათ დაფინანსება და ტელევიზიისა და პარტიის შესანახად მუდმივად ვალებს იღებდა.
“ალტ-ინფო”-ს წარმომადგენლები “პატრიოტთა ალიანსი” საერთო სიით მონაწილეობდნენ არჩევნებში, ვინაიდან მათ პოლიტიკური სუბიექტის სტატუსი გაუქმებული აქვთ, მათ ბარიერი ვერ გადალახეს, მაგრამ “პატრიოტთა ალიანსი”, როგორც კვალიფიციური საარჩევნო სუბიექტი, მიიღებს დაფინანსებას, რომლის ოდენობაც 752 ათას ლარს შეადგენს.
დამარცხების შემდეგ “ალტ-ინფო-მ მაუწყებლობა შეაჩერა, რადგან მათი თქმით, აღარ აქვთ ფინანსური რესურსი და ამ დრომდე ისინი მაყურებლის შემოწირულობებით ახერხებდნენ ტელევიზიის დაფინანსებას, თუმცა, ზურაბ მახარაძე მიიჩნევს, რომ არასწორია კვლავ მხარდამჭერებს სთხოვოს დახმარება.