ვაშინგტონი უკრაინას რუსეთის მიერ ჩადენილი სამხედრო დანაშაულების გამოძიებაში დახმარებას ჰპირდება. ამის შესახებ უკრაინაში შეერთებული შტატების ელჩმა განაცხადა, რომელიც უკრაინის გენერალურ პროკურორთან ერთად კიევის ოლქის ქალაქ ბოროდიანკაში იმყოფებოდა და რუსული აგრესიის სისასტიკე საკუთარი თვალით ნახა.
„ვფიქრობ, ნამდვილად მნიშვნელოვანია, იყო ამ საშინელი სისასტიკეების თვითმხილველი. დღეს ჩემმა აქ მოსვლამ მხოლოდ გააძლიერა ჩემი მტკიცე გადაწყვეტილება, დავეხმარო უკრაინას ომის დანაშაულების გამოძიებაში. ეს პროცესი არ უნდა შეჩერდეს იმის გამო, რომ უკრაინაში ომი ჯერ კიდევ გრძელდება, რადგან უკრაინელი ხალხი სამართლიანობას იმსახურებს“, – განაცხადა აშშ-ის ელჩმა.