დავიწყეთ ზაფხულის სეზონისთვის მზადება – დაბა ურეკსა და შეკვეთილში წელს მეტ ჩვენს თანამოქალაქეს და ტურისტს ველოდებით”- ამის შესახებ ოზურგეთის მერმა ავთანდილ თალაკვაძემ განაცხადა.
„ვიზიტორებისთვის სუფთა, უსაფრთხო და კომფორტული გარემოს შექმნის მიზნით, ყველა სამსახური მობილიზებულია და სრული დატვირთვით მიმდინარეობს დაბის განახლება, მოწესრიგება.
შინაგან საქმეთა და ინფრასტრუქტურის სამინისტროებთან თანამშრომლობით, ურეკისა და შეკვეთილის მთელ სანაპირო ზოლზე 8 თანამედროვე სამეთვალყურეო – სამაშველო კოშკურა განთავსდება. უახლოეს პერიოდში ასევე დასრულდება ურეკში ბულვარის მოწყობის სამუშაოები“, – აღნიშნა ოზურგეთის მერმა, ავთანდილ თალაკვაძემ.