ახმეტაში ბავშვთა დაცვის საერთაშორისო დღე სხვადასხვა გასართობი აქტივობით აღინიშნა.
ღონისძიებები ბიძინა ჩოლოყაშვილის სახელობის სკვერში 10:00 საათიდან დაიწყო.
ჩატარდა კონცერტი საბავშვო ბაღების აღსაზრდელების მონაწილეობით, ასევე სამუსიკო სკოლების საბავშვო გუნდებისა და ბასტი-ბუბუს სტუდიის ბავშვების ერთობლივი კონცერტი, სახელოვნებო სკოლის ბავშვების ნახატების გამოფენა-დათვალიერება, ხატვა ღია სივრცეში(პლენერი),ასფალტზე ხატვა.
ბავშვების განწყობაზე დღის განმავლობაში ანიმატორები და წამყვანები ზრუნავდნენ. ღონისძიებას ახმეტის მუნიციპალიტეტის
მერი ალექსი ფიცხელაური,მერის პირველი მოადგილე ზურაბ ფილაშვილი, კახეთის რეგიონული განვითარების ფონდის დირექტორი იზა ბექაური და ევროკავშირის ელჩის კარლ ჰარცელისა და იაპონიის ელჩის ტოშიო კაიტანის მეუღლეები ესწრებოდნენ.
13:00 საათიდან მხიარული სტარტები მიმდინარეობდა ფარნაოზ ჩიკვილაძის სახელობის დარბაზში. მხიარულ სტარტებში ახმეტის მუნიციპალიტეტის საჯარო სკოლების გუნდები მონაწილეობდნენ. 2022 წლის მხიარული სტარტების გამარჯვებული ქალაქ ახმეტის N2 საჯარო სკოლის გუნდი გახდა.