ბავშვთა დაცვის საერთაშორისო დღესთან დაკავშირებით ხელვაჩაურის მუნიციპალიტეტში სხვადასხვა სახის გასართობი ღონისძიებები ჩატარდა. საბავშვო ბაღის აღსაზრდელებისა და სკოლის მოსწავლეებისთვის კულტურის ცენტრის მიმდებარე ტერიტორიაზე ხატვის კონკურსი გაიმართა.
კულტურის ცენტრის დარბაზში ბავშვთა დაცვის საერთაშორისო დღისადმი მიძღვნილი ღონისძიება გაიმართა, სადაც წაიკითხეს ლექსები, წარმოადგინეს სხვადასხვა ქორეოგრაფიული და მუსიკალური ნომრები, მონაწილეებს საჩუქრად წიგნები გადაეცათ.
ღონისძიებას ესწრებოდა ხელვაჩაურის მუნიციპალიტეტის მერი ზაზა დიასამიძე და საკრებულოს წევრები. მუნიციპალიტეტის მერმა ბავშვებს დღევანდელი დღე მიულოცა, ლაღი ბავშვობა და წარმატებული მომავალი უსურვა.