ბიძინა ივანიშვილის დასანქცირება იქნება ღია სიგნალი ამომრჩევლის უმრავლესობისათვის, რომ მათ არჩევნების დღეს, უპრეცედენტო მობილიზებით, არჩევანი ბიძინა ივანიშვილის გუნდის სასარგებლოდ გააკეთონ და პოლიტიკური შანტაჟი, რომელიც რუსეთ-უკრაინის ომის დაწყებიდან დღემდე გრძელდება, რათა ქართული მხარე ჩაერთოს ომში, დაასრულონ “ქართული ოცნებისათვის”, როგორც მშვიდობიანი პოლიტიკის გამტარი ძალისთვის, სრული ლეგიტიმაციის მინიჭებით, – წერს „ხალხის ძალის“ წევრი თამთა მეგრელიშვილი სოციალურ ქსელში.
მისივე თქმით, ბიძინა ივანიშვილი არაფორმალური სანქციების ქვეშ უკვე იმყოფება და წინასაარჩევნოდ გაბრაზებული პარტნიორის, ამერიკის შესაძლო გადაწყვეტილება მის დასანქცირებასთან დაკავშირებით აღიქმება, როგორც “ქართული ოცნების” ღია შანტაჟი, რომელიც დაისჯება, რადგან ის ამერიკის პოლიტიკურ თამაშის წესებს არ აჰყვა.
„ბიძინა ივანიშვილი არაფორმალური სანქციების ქვეშ უკვე იმყოფება (რუსეთ უკრაინის ომის დაწყებიდან ერთ კვირაში მას სრულად შეუჩერეს წვდომა საკუთარ აქტივებზე რაც დღემდე გრძელდება)და მუქარა, რომ ამერიკის შეერთებული შტატების მოქმედი ადმინისტრაცია მის მიმართ მართლა მიიღებს სანქციების ფორმალურად გაფორმების გადაწყვეტილებას, პროცედურულად მხოლოდ ტექნიკური საკითხია და მისთვის არსობრივად არაფერს ცვლის.
წინასაარჩევნოდ გაბრაზებული პარტნიორის, ამერიკის შესაძლო გადაწყვეტილება ბიძინა ივანიშვილის დასანქცირებასთან დაკავშირებით აღიქმება, როგორც “ქართული ოცნების” ღია შანტაჟი, რომელიც დაისჯება, რადგან ის ამერიკის პოლიტიკურ თამაშის წესებს არ აჰყვა. ბიძინა ივანიშვილის დასანქცირება იქნება ღია სიგნალი ამომრჩევლის უმრავლესობისათვის, რომ მათ არჩევნების დღეს უპრეცედენტო მობილიზებით არჩევანი ბიძინა ივანიშვილის გუნდის სასარგებლოდ გააკეთონ და პოლიტიკური შანტაჟი, რომელიც რუსეთ-უკრაინის ომის დაწყებიდან დღემდე გრძელდება, რათა ქართული მხარე ჩაერთოს ომში, დაასრულონ “ქართული ოცნებისათვის” როგორც მშვიდობიანი პოლიტიკის გამტარი ძალისთვის სრული ლეგიტიმაციის მინიჭებით. ამერიკამ უნდა გადახედოს ქართული მხარის მიმართ მის მიერ სადამსჯელო ოპერაციის მიზნობრიობას და სათანადო დასკვნები გააკეთოს“, – წერს თამთა მეგრელიშვილი.