ილია დარჩიაშვილი ემანუელ მაკრონის წინადადებაზე გამოეხმაურა, რომელიც ევროპული პოლიტიკური საზოგადოების შექმნას გულისხმობს. საქართველოს საგარეო მინისტრის თქმით, მთავრობა საფრანგეთის პრეზიდენტის წინადადებას განიხილავს.
„ჩვენ ვიცით საფრანგეთის პრეზიდენტის ახალი ინიციატივის შესახებ, თუმცა დეტალები მოგვიანებით გახდება ცნობილი. რამდენადაც ვიცით, ეს არ იქნება იმ ინტეგრაციის გზის ალტერნატივა, რომელიც შეთავაზებულია საქართველოსთვის და ასოცირებული ქვეყნებისთვის. რადგან ეს არ იქნება ალტერნატივა და ჩვენ დავრჩებით მთავარ გზაზე, რომელსაც საქართველო გადის. თუმცა, ჩვენი გადმოსახედიდან მისასალმებელი იქნება ნებისმიერი სხვა დამატებითი მექანიზმი, რომელიც საქართველოს და სხვა ასოცირებულ ქვეყნებს ევროპული ინტეგრაციის დაჩქარებაში დაეხმარება და ამ შესაძლებლობას განვიხილავთ“, – განაცხადა დარჩიაშვილმა.
ილია დარჩიაშვილი ევროკომისიაში შეხვედრებს მართავს.